ARON siguradong makapasar sa civil service examination ang mga trabahante sa kapitolyo ug mahimong eleigible sa pagpanarbaho labina rekisitos man kini sa buhatan sa Civil Service Commission.

Gikumpirmar ni Charlotte Guibone ang representante sa Human Resource Department sa Kapitolyo probinsyal nga nakigkoordinar sila sa AIM to top review center nga maoy mohatag og libreng review ngadto sa mga empleyado.

Matud niini sa Sun.Star SuperBalita atol sa press briefing nga niaging eksaminasyon moabot sa siyam lamang ang mipasar niini sa 105 ka mga empleyado nga nag-exam.

Matud ni Guibone nga maoy gusto mahitabo ni Governor Bambi nga makapartisipar ang mga empleyado.

“Maoy gusto ni Governor Bambi nga makaparticipate ang tanan nga empleyado ug ang review center na gyod ang maghandle aron ma cover ang tanan subject sa exam sa CSC,” matud ni Guibone.

Target sa review sa mga empleyado matag adlawng Sabado aron sab dili maapektuhan ilang trabaho kon weekdays.

Sa unang semana sa Pebrero mao ang diagnostic exam aron masuta kinsa ang qualified nga moapil sa review kay taliwala daghan kaayo ang gusto moapil niini kiinahanglan sab nga pilian aron dili kaayo madaghanan ang review center.

Sa third week na posibleng sugdan ang review sa mga empleyado. (SVB)