Balita

Misamis Oriental nag-una sa operasyon sa illegal gambling

Stephanie V. Berganio

NAG-UNA ang Misamis Oriental sa adunay daghang ihap sa nadakpan sa pagpatuman sa "no take policy" o pagpangdakop sa mga naglambigit sa mga ginadili nga sugal diin parte sab kini sa Simultaneous Aggressive Police Operation (Sapo) sa Police Regional Office-Northern Mindanao.

Gibutyag ni Philippine National Police (PNP)-Northern Mindanao spokesman Police Lieutenant Colonel Mardy Hortillosa nga dunay 169 ang nadakpan sa illegal gambling human nimando si PNP Chief Archie Gamboa nga tagaan lamang ang tanan rehiyon og usa ka semana nga ipatuman ang pagbatok sa bisan unsang matang sa sugal.

Sulod sa usa ka semana, moabot sa 169 ka mga illegal gambling operation ang napatuman sa kapulisan sa tibouk rehiyon. Sa maong gidaghananon, lakip na niini ang illegal nga swertes, tari-tari, video karera, tulilong, mahjong ug kining mga kwartaha nga dula sa baraha.

"Atong paabuton kung ang atong Regional Director (Brigadier General Rolando Anduyan) ma-relieved ba karon semanaha," matud ni Hortillosa.

Basihan nga nakatuman sa "no take policy" ang usa ka regional director labina kung nagpabilin pa kini sa pwesto apan kumpiyansa kining nahimo ni Anduyan ang iyang tahas isip nangulo sa kapulisan sa Northern Mindanao.

Sa maong gidaghanon, daghan nadakpan nga nalambigit sa illegal gambling ang Misamis Oriental 55; 18; Bukidnon, 31; Camiguin, 1; Misamis Occidental; 23; Lanao del Norte, 15; Cagayan cde Oro, 18; ug Iligan, 26.

"Wala ni nagpasabot nga daghan ni sila og operation, dinhi moingon na dayon sila highest sila, wala na silay illegal gambling. Ang gibasihan diri kung naa paba illegal gambling sa imong area pag-abot sa validation," matud ni Hortillosa.

Wala sab niini gikonsidera nga kulelat sa operasyon ang probinsya sa Camiguin tungod kay nihimo gihapon kini sa ilang tahas.

Naghangyo si Hortillosa sa katawhan nga kung aduna namatikdan nga padayon sa pagpahigayon og illegal nga pasugal labina kwartahay, matawag na kini nga illegal ug ireport dayon kanila aron ilang maoperasyunan.

THREAT. According to a Capitol consultant, the Cebu City Government is threatening to shut down the Cebu North Bus Terminal at the back of SM City Cebu (left) and the Cebu South Bus Terminal along N. Bacalso Ave. for operating without a business permit. The Province, which runs both terminals, maintains that it operates the facilities as a public service for passengers going to the province and vice versa. /

CH to Capitol: Explain terminals’ lack of biz permits

3-meter easement violators to receive cease, desist order

LTFRB 7: Fare hike to P40 unlikely

House ethics panel find complaint vs Alvarez sufficient

Marcos to certify amendments to Rice Tariffication Law as urgent