SUGOD sa tuig 2013 hangtod sa tuig 2017, namintinar sa probinsya sa Misamis Oriental ang titulong “Malaria-free province.”

Bag-o lang gitunol ni Department of Health (DOH)-Northern Mindanao Director Nimfa Turizo ang plaque of recognition ngadto kang Misamis Oriental Governor Yevgeny Vincente Emano.

Gihatag ang rekognasyon niadtong adlaw’ng Lunes, Septyembre 17, atol sa pagpakayab sa nasudnong bandila.

Niadtong Septiyembre 13 lamang, ang Department of Health sa kaulohan maoy nihatag pasidungog sa probinsya nga girepresenta mismo ni Dr. Jerie Calingasan ang head sa Misamis Oriental Provincial Health Office.

Tungod sa pasidungog, nagpamatuod lang kini nga ang kalungsoran sa probinsya gamay lamang ang endemic nga lugar ug wala kaayo kaso sa malaria. (SVB)