GIPASABOT sa Confederation of Grains Retailers Association of the Philippines (Grecon) sa Northern Mindanao nganong kinahanglan nga ilista ang pangalan sa mga mamalit og bugas nga NFA.

Kini human aduna pipila ka mga mamalitay mireklamo nga nakurat sila nganong gipanglista ang ilang ngalan sa mga retailer.

Nakadawat og mensahe ang Superbalita Cagayan de Oro nga nakurat sila nga gilista ilang pangalan dihang mipalit og NFA.

Pagpasabot ni Helen Osin Fernandez kinsa presidente sa Grecon nga sila mismo nag required sa mga retailer nga ilista ang mga pangalan sa mopalit aron ilang mamonitor kon pila gyod ka kilo ang mapagawas matag semana ug matag bulan.

"Gailista ang mamalit kay kwentahon sa NFA pila ka number of bags sa equals number of person ang mahalin," matud niini.

Dugang niini nga dili kini pagpanglista gumikan lamang sa pulitiko apan pagkontrolar lamang sa mga mamalit.

"Siyempre atong retailer maniguro after distribution ilang kwentahon walay nisipyat kay ila mana i correct," butyag niini.