GIKLARO ni Mayor Oscar Moreno nga ang community quarantine sa dakbayan sa Cagayan de Oro dili pasabot nga kung di ka lumulupyo sa dakbayan sa Cagayan de Oro dili ka mahimo nga makasulod sa siyudad.

Nasayran nga hugot ang kampanya sa siyudad kalabot na sa pakigbatok sa coronavirus disease (Covid-19) diin naghangyo si Moreno sa katawhan nga dili maglakaw kung dili importante ug magpuyo sa balay.

“Like I said sa ato I have been explaining this, ang atong community quarantine wala mag ila kung taga asa ang tawo, wala sa ato nga kung di ka taga Cagayan di ka kasulod,” matud ni Moreno.

Kini ang rason nganong naghangyo sa gobyerno sa Misamis Oriental nga mouban sa community quarantine o joint community quarantine diin lukopon niini ang gabayan sa kwarantinas ang Misamis Oriental ug siyudad.

Gidugang pa nga wala sa iyang plano nga did-an nga makasulod sa siyudad ang taga MisOr ug bisan ang sa Bukidnon, Nasipit ug Buenavista nga mosulod ug magdepende na kana ni Governor Bambi Emano kay ubos sa pamunoan niini ang probinsya.

“Pero sa ako dili ko makaingon nga kinahanglan nga taga Cagayan ra gyud ang makasulod dinhi, mao na i-expand nato ang checkpoint para pag-abot dinhi nasala na,” dugang pa.

Nasayran nga ang Bukidnon nagpailalom na sa general community quarantine.