NGILNGIG nga aksidente sa dalan ang natigayon Lunes, Nobiyembre 4, mga alas 7:30 sa buntag sa Aplaya, lungsod sa Jasaan, Misamis Oriental.

Duha ang dead on the spot nga giilang si Milijun Pacquiao Masion ug laing wala pa maila nga pasahero sa multicab human nga nabalitok ug maayong pagkakumi sa kilid nga bahin sa maong sakyanan.

Giingong nakakatulog ang driver sa L300 van nga si John Allen Elcarte, 25, taga Ozamis City hinungdan didto kini mipaingon sa multicab nga gikan pa nanghunong og pasahero niadtong tungora.

Ang driver sa multicab giilang si Ryan A. Delima, 30, taga San Martin Villanueva.

Naangin ang motorsiklo nga gimaneho sab ni Adan L. Pasol, taga Lagonglong, Misamis Oriental.

Ang mga driver pulos samdan karon panahona nga gidala sa Jasaan Community Hospital.

Ang driver sa van gitakdang mag-atubang og kasong reckless imprudence resulting to homicide and multiple physical injuries and damage to properties.