ANAA na sa 4,852 ang mga indibidwal nga nabakunahan na sa Covid-19 vaccine nga nagpositibo sa coronavirus disease (Covid-19) sa Cagayan de Oro.

Matod sa City Information Office, sa 4,852 ka vaccinated individuals nga gi-Covid, 3,017 niini ang mga nabakunahan na sa Sinovac vaccine, 907 ang nabakunahan sa AstraZeneca, 323 ang nabakunahan sa Pfizer, 284 ang nabakunahan sa Sputnik V, 292 ang nabakunahan sa Janssen, unom ang nabakunahan sa Sinopharm, ug 23 ang nabakunahan sa Moderna.

Sa 3,017 ka Sinovac vaccinees, 2,359 ang nakasinati og mild symptoms, 459 ang asymptomatic, 192 ang nakasinati og moderate nga sintomas, ug pito ang severe nga kaso.

Sa 907 nga mga AstraZeneca vaccinees, 679 ang nakasinati og mild nga sintomas, 172 ang asymptomatic, 52 ang nakasinati og moderate nga sintomas, ug upat ang mga severe nga kaso.

Sa 323 nga mga Pfizer vaccinees, 234 ang nakasinati of mild nga sintomas, 77 ang asymptomatic, ug 12 ang nakasinati og moderate nga sintomas.

Sa 284 nga Sputnik V vaccinees, 230 ang nakasinati og mild nga sintomas, 36 ang asymptomatic, ug 18 ang nakasinati og moderate nga sintomas.

Sa unom ka mga Sinopharm vaccinees, upat ka mga indibidwal ang nakasinati og mild nga sintomas, usa ang asymptomatic, ug usa ang nakasinati og moderate nga sintomas.

Sa 292 ka mga Janssen vaccinees, 219 ang mga indibidwal ang nakasinati og mild nga sintomas, 45 ang asymptomatic; ug 28 ang nakasinati og moderate nga sintomas.

Ug sa 23 ka mga Moderna vaccinees, walo ang mga asymptomatic, 11 ang nakasinati og mild nga sintomas, ug upat ang mga nakasinati og moderate nga sintomas.

Base sa datus, sa 4,852 ka mga coronavirus-positive nga vaccinees, 2,942 niini mga fully vaccinated.