DAKPAN sa usa ka entrapment operation nga gilusad sa hiniusang pwersa sa Impasug-ong Municipal Police Station ug First Provincial Mobile Force Company ang 27 anyos nga lalaki nga namaligya og way lisensyang mga armas diha sa Barangay Impalutao, Impasugong, Bukidnon.

Mga alas 3:40 sa hapon niadtong Martes, Nobiyembre 5, 2019, nahulog sa mga kamot sa otoridad si Donald C. Sayman, 27, ulitawo, residente sa dapit.

Nakumpiska sa posisyon niini ang usa ka unit sa SAM (Shooters Arm Manufacturing) Philippines X9 9mm Par nga adunay tampered serial number nga markang "RBA-1" ug laing usa ka magazine sa SAM Philippines X9 9mm Para nga gimarkahan og "RBA-2."

Tulo sab dayon ka mga buhing bala sa kalibre 9mm pistol nga gimarkahan gihapin og "RBA-3 to RBA-5."

Usa ka eco bag nga kolor violet ug pula nga gimarkahan og "RBA-9," laing T-shirt, P2,000, cellphone ug motorsiklo nga gamit niini sa mga transaksyon.

Giingon sa kapolisan nga nadawat kini nila nga inpormasyon ug ilang gimonitor ug giberipika usa dayon giambakan.

Ang suspetsado detinado na karon sa Impasug-ong Police Station.