NAGPAHIMANGNO ang Regulatory and Complaint Board (RCB) sa mga negosyante ilabi na sa mga cafe/piso net operator nga motabang sa pagmonitor diha sa mga kalihokan sa mga kustomer ilabi na kung menor de edad.

Kini human nag-viral ang Momo Challenge nga giingong delekado alang sa mga kabataan gani duna nay nakabsan sa kinabuhi tungod lamang niining maong aplikasiyon diha sa internet.

Sa pakighinabi kang Antonio Resma Jr., member ug inspectorate team leader sa RCB, nga bisan pa man nga dili na nila kini lakip sa hurisdiksiyon apan magtabang gihapon sila sa pag-monitor ug pag-edukar sa mga kabataan sa kaalaotan nga dala niining Momo Challenge.

“Na take up na nga issue sa RCB meeting gahapon. Although dili na gyud na under sa RCB jurisdiction, the Board has decided to conduct an Information and Education Campaign (IEC) activity to raise awareness on the issue,” matud ni Resma.

Naghangyo usab kini sa mga operator nga bantayan ang mga kalihokan sa mga kustomer ilabi na kung kini menor de edad.

“We would also appeal to our internet cafe / piso net operators to help monitor the online activities of their customers, especially those who are minors,” dugang niini.

Naghangyo kini sa mga kabataan nga dili molambigit sa mga susama niini nga mga kalihokan sa internet ilabi na nga nagdala kini og kakuyaw.