DAKONG kaulawon ang gibati sa mga anak human nga ang inahan nakigrelasyon og usa ka minyo rason nga iya kinig gireklamo sa kapulisan niadtong Nobiyembre 13.

Gipatala sa anak nga si Marie, 23, taga Barangay Camaman-an ang inahan nga nag-edad og 47 ug usa na ka balo.

Sa impormasiyon nga nahipos sa kapulisan gikabutyag sa anak nga gikumpronta niini ang inahan ug gisulayan niini sa pagbadlong apan niresulta kini sa ilang panaglalis kay nasuko kining inahan rason nga wala na makaagwanta ug gisumbong na ngadto sa otoridad.

Naulaw na ug nabalaka kini ilabi na nga sila nga managsoon nasayod sa binuhatan sa inahan ug sa minyo nga lalaki nga ila ra usab nga silingan.

Buot sa anak nga ma-istorya ang inahan rason nga giduso kini sa Barangay Lupon sa maong dapit.