NAGPATALA ang usa ka babaye human nga giingong gihapak og plato sa iyang agtang niadtong nilabay nga adlaw samtang anaa sa kan-anan sa Hayes-Capsitrano sa siyudad sa Cagayan de Oro.

Ang maong babaye itago sa ngalan nga Rita (tinuod nga ngalan gitago), 36, minyo nga taga Macabalan, samtang ang gireklamo nailang si Jubilito nga giingong residente sa Agusan del Sur.

Sa impormasiyon nga nahipos gikan sa kapulisan sa Police Station 1 (PS1) sa Divisoria, gikabutyag nga samtang anaa kini sa kadalanan, nilabay si Jubilito, hinungdan nga iyang gipangayoan og limos.

Giingong nagdumili sa paghatag si Jubilito sa dihang iyang gipangayoan og limos nga iyang gikasuko.

Giangkon niini nga sa iyang kalagot, iyang gisundan si Jubilito sa kan-anan ug iyang giyabo ang pagkaon, samtang nagkaon kini nga miresulta sa komusiyon diin gihapak og plato si Rita ni Jubilito.

Ang insidente ang nakatala na sa buhatan sa kapulisan.