WALAY piyansa nga girekomendar sa usa ka lalaki nga nadakpan gumikan sa kasong pagpanglugos sa Barangay 21, dakbayan sa Gingoog, Misamis Oriental.

Giila ni Police Senior Inspector Arlyne Ranario, kinsa spokesperson Misamis Oriental Provincial Police Office, ang dinakpan nga si Reynaldo Gumahin alyas Tikling.

Nadakpan kini pinasikad sa warrant of arrest nga giisyu sa korte ug gisilbi sa Gingoog City Police Station sa pagpangulo ni Police Superintendent Ariel Phillip Pontillas.

Nahitabo ang pagpanglugos niadtong miaging mga bulan diin nag edad og 18 anyos ang nabiktima niini.

Giingong nagtuo ang suspetsado nga walay kaso gipasaka batok kaniya ug wala kini warrant gikan sa korte hinungdan kumpiyansa lamang kini.