HINAY-HINAY na nga gipatuman ang pagdili paggamit sa mga plastik sa mga empliyado sa City Hall sa Cagayan de Oro.

Si City Administrator Teddy Sabuga-a Jr., mibutyag nga hinay-hinay na kini nga gipatuman ilabi na sa canteen sa maong buhatan.

Matud ni Sabuga-a nga gipanawagan ang tanang mga empliyado pagdala sa ilang kaugalingon nga mga sudlanan.

Kini human namatikdan ang kadaghan sa mga plastik nga nakuha panahon nga dunay pagbaha ning siyudad. Kini usab ang gitumbok nga usa mga hinungdan sa street flooding.

Gitakdang ipatuman ang pagdili sa paggamit sa mga plastik sa tibuok karong tuiga.

Kong namatikdan, dunay pipila ka mga establisimento dinhi sa dakbayan nga wala na nigamit og plastik kundili bulseta na.