AMINADO ang Cagayan de Oro City Water District (COWD) nga kulangan sa pagkakaron ang suplay sa tubig sa weste nga bahin sa siyudad sa Cagayan de Oro.

Kini ang gikumpirma ni COWD Acting General Manager Bienvinido Batar Jr ug nipasabot sa tanan nga mga kunsumidor nga moabot ngadto sa 49,000 cubic meter lang ang suplay karon sa normal nga 60,000 cubic meter.

Kini gumikan sa pagkadaot sa water pump nga gikinahanglan pa nga i-repair. Apan ang motor niini nga daot dili available ning siyudad ug gi-order pa sa kaulohan.

Adunay pito ka adlaw nga gitagana sa pagrepair niini ug laumang sa unang adlaw sa Oktubre makabalik na sa normal ang agas sa tubig.

Gihangyo ni Bata rang katawhan sa padayon nga pagsabot sa ilang buhatan tungod kay naningkamot sila nga mahatag og insakto ang suplay sa tubig sa tanan.

“Dako ni nga inconvenient sa atong mga costumer apan taliwala niini unta masabtan ang dako dako nga problema nga atong giatubang karon,” matud ni Batar.