PADAYON ang pagnaog sa ihap sa mga bag-ong kaso sa Covid-19 sa Cagayan de Oro human kini mitala og 18 kaso, matud sa report sa City Health Office Miyerkules, Nobyembre 10, 2021.

Matud sa City Health Office, sa 18 ka mga bag-ong kaso, pito ang mga local index nga mga kaso, siyam ang mga local cases with link, usa ang lokal nga authorized persons outside residence (Apor) with link, ug usa ang patay.

Ang Cagayan de Oro adunay 500 ka mga active cases, 87 niini na-admit sa Northern Mindanao Medical Center ug uban pang mga ospital sa syudad, 410 ang mga outpatients, ug tulo ang mga ROF/LSI.

Nakatala usab og upat recoveries. Anaa na karon sa 18,965 ang ihap sa mga nakarekober sa dakbayan.

Ang ihap sa mga namatay sa Covid-19 sa syudad anaa na sa 840.