MOABOT ngadto sa 1,368 ka mga Sangguniang Kabataan (SK) chairman ug kagawad ang nanumpa atubangan ni Misamis Oriental Governor Yevgeny Vincente Emano niadtong Sabado.
Gipahigayon kini sa hawanan sa kapitolyo Biyernes sa buntag diin nanumpa ang mga napiling chairman ug kagawad niadtong nilabay’ng barangay ug SK election.
Gipasalig ni Emano sa ilang atubangan nga mobubo og P50,000 nga ayuda matag tuig aron magamit nila sa ilang panginahanglan lakip na sa ilang programa ug dugang proyekto sa barangay.
Matud ni Emano nga buot niyang mabutang sa hunahuna sa kabatan-onan ang sakto nga panerbisyo ug dili madala sa bati nga binuhatan sa politika.
Gipasabot sab niini ngadto sa mga batan-on ang panultihon sa usa ka super hero nga si Spiderman nga “great power comes with a great responsibility.”
Malaumon kini nga mahatod niining mga batan-ong leader ang tiunay nga pagserbisyo ngadto sa ilang tagsa tagsa ka kabarangayan.
Ania ang mga nanumpa sa sidlakan nga bahin:
Lungsod sa Magsaysay – 8 ka SK chairman, 48 ka kagawad
Lungsod sa Medina – 6 ka SK chairman, 57 kagawad
Lungsod sa Talisayan – 18 ka SK charman, 117 ka kagawad
Lungsod sa Balingoan – 7 ka SK chairman, 50 ka kagawad
Lungsod sa Kinoguitan – 3 ka SK chairman, 40 ka kagawad
Lungsod sa Subongcogon – 7 ka SK chairman, 28 ka kagawad
Lungsod sa Binuangan – 1 ka SK chairman, 46 ka kagawad
Lungsod sa Salay – 7 ka SK chairman, 44 ka kagawad
Lungsod sa Lagonglong – 10 ka SK chairman, 60 ka kagawad
Lungsod sa Balingasag – 12 ka SK chairman, 77 ka kagawad
Lungsod sa Jasaan – 7 ka SK chairman, 35 ka kagawad
Lungsod sa Claveria – 6 ka SK chairman, 41 ka kagawad
Lungsod sa Tagoloan – 9 ka SK chairman, 63 ka kagawad
Ania usab ang nanumpa sa kasadpan nga bahin:
Lungsod sa Opol – 1 ka SK chairman, 22 ka kagawad
Lungsod sa Alubijid – 6 ka SK chairman, 34 ka kagawad
Lungsod sa Laguindingan – 9 ka SK chairman, 39 ka kagawad
Lungsod sa Gitagum – 2 ka SK chairman, 23 ka kagawad
Lungsod sa Libertad – 4 ka SK chairman, 31 ka kagawad
Lungsod sa Initao – 13 ka SK chairman, 80 ka kagawad
Lungsod sa Naawan – 13 ka SK chairman, 58 ka kagawad
Lungsod sa Manticao – 8 ka SK chairman, 36 ka kagawad
Ang dakbayan sa El Salvador adunay upat ka chairman ug 25 kagawad nga lakip sa manumpa.
Gikatakdang manumpa karong adlaw’ng lunes ang mga SK chairman ug kagawad nga gikan sa dakbayan sa Cagayan de Oro.