USA lamang ang pangalan ni Police Colonel Danildo Tumanda nga anaa karon nakabasi sa Misamis Occidental nga maoy gihungihong nga mahimong Cagayan de Oro police director human sa pagka-aksidente ni Police Colonel Nelson Aganon nga nagpabilin pa karon sa Intensive Care Unit (ICU).

Apan pagklaro ni Police Lieutenant Colonel Surki Sereñas, tigpamaba sa Police Regional Office (PRO) Northern Mindanao, nga hangtod karong panahona, dili bakante ang posisyon ni Aganon.

Si Regional Director Police General Rafael Santiago Jr. wala na-relieved sa pwesto ni Aganon, hinungdan pabiling ang deputy chief niini nga si Police Lieutenant Colonel Reynante Reyes ang magsilbing officer-in-charge.

Dugang ni Sereñas nga dili sab tinoud nga si Tumanda maoy hulip apan hinoun sa posisyon niini, kwalipikado kini.

Matud ni Sereñas nga dili lang si Tumanda ang kwalipikado sa posisyon apan daghan kaayo sa PRO Northern Mindanao.

Mintras nga wala pa nagpagawas og direktiba ang regional director nga relieved sa iyang post si Aganon, dili pa kini pwedeng aplayan nga posisyon.