NAKITA na ang patay'ng lawas sa 14 anyos nga batan-on niadtong 10:00 sa buntag, Lunes, Agusto 19, sa Agutayan Island, lungsod sa Jasaan, Misamis Oriental.

Positibong giila sa iyang mga ginikanan si John Kenneth Opema Millena, 14, taga Baluarte, lungsod sa Tagoloan, Misamis Oriental.

Sa imbestigasyon sa Tagoloan Police Station, nasuta nga naligo sa suba sa lungsod si Jonh apan gitouhang nalumos.

Gipangita sa mga ginikanan niini lakip pa ang mga rescue teams sulod sa duha ka adlawa.

Apan adlawng Lunes napalgan kini siya sa duha ka mga mangingisda nga taga lungsod sa Tagoloan sa isla sa Agutayan, hinungdan ilang giguyod ug gidala sa baybayon nga bahin.

Positibo kining giila sa mga ginikanan niini. Taliwala paman nga anaa na sa pagkadugta ang patayng lawas sa biktima.

Ang patay'ng lawas niini gidala na sa Forelo Funeral Homes.