GIINGONG problema sa pamilya maoy hinungdan paghikog ang usa ka 19 anyos nga tinun-an sa kolehiyo diha sa Brgy. Sta. Ana, Tagoloan, Misamis Oriental.

Niadtong Enero 14 mga alas 5:30 sa hapon nadiskubre sa iyang pamilya si Alby S. Apelanio, residente sa susamang dapit nga naghikot og nylon sa iyang liog sulod sa comfort room.

Nasapon pa kini sa iyang pamilya apan luya na ug daling gidala sa Polymedic Plaza Hospital sa lungsod sa Tagoloan apan dead on arrival nga gideklarar sa doktor.

Titulo sa biktima sa iyang Facebook post ang "Queen of Pain".

Matud sa silingan sa biktima nga posibleng daghan ug sagol na ang gihambin nga problema sa dalaga gikan sa pagtungha, pinansyal, pamilya ug giingong lovelife niini.

Gani kagahapon pa Enero 16 giadtoan sa kapolisan sa Tagoloan Police Station ang pamilya niini ug mao pa sab nareport ang insidente.