MAPASALAMATON si Congressman Rufus Rodriguez sa coalition sa partido Centris Democratic Party (CDP) ug sa Padayon Pilipino diin dako kini nga tabang human nga nagkahiusa alang sa katawhan sa dakbayan sa Cagayan de Oro.

Nasayran nga nagpailalom sa silong ni Jose Gabriel “Pompee” La Viña isip pagka-mayor ug bise mayor Vicente “Dongkoy” Emano si Rodriguez isip kongresista sa ika-duhang distrito sa dakbayan ug si Caesar Ian Acenas sa unang distrito.

“We have this great coalition between the Padayon Pilipino and the CDP, that is why we were so happy for this unity for the best interest of the City of Cagayan de Oro” tipik sa pahayag ni Rodriguez.

“Every candidate has its own followers they really entitled to vote, I expect a very good fight between us” dugang ni Rodriguez.

Samtang naghangyo usab si Emano nga suportahan ang iyang partido ilabi na sila si La Viña, Acenas ug Rodriguez.

“I would seriously appeal please help Pompee La Viña, you will not regret it, garbo sa katawhan sa dakbayan, garbo sa iyang banay garbo sa among hugpong nga inyong matabangan si Pompee La Viña sa paghupot sa katundangan” pahayag ni Emano.

Gi-angkon usab niini nga kontra niini kaayo kaniadto si Rodriguez apan sa ilang panag-uban nakita niini ang pagkamaayong tawo niini.

“The same thing with congressman Rufus kontra ko kaayo sa dugay nga panahon, nganong ni coalition man ko aning panuway? Grabe ang daut ani nako pero sa nagkahiuban kami nakita ko ang usa ka butang si Rufus Rodriguez matarong nga tawo, si Rufus Rodriguez masaligan nga higala ,si Rufus Rodriguez tinuod nga alagad sa katawhan” dugang niini.

Samtang nagpasi-aw usab kini nga ilakip na lang pud kung maluoy ang katawhan ngadto kaniya diin iyang gipaniguro nga andam kini nga mohatag og serbisyo sa katawhan.

“Kung ako dili ninyo ilakip tagae sila og priority, kung maluoy ilakip lang pud ko ninyo kung dili ko ninyo ilakip, panuway ka mo, kung mahimo tabangi ko ninyo palihog ko, I would like to serve our people again as I did for 33 years walay hunong” matud ni Emano.