NALIGO sa iyang kaugalingong dugo, gisamaran ang liog ug gitouhang gilugos ang 26 anyos nga babaye nga napalgang wala nay kinabuhi sulod sa apartment nga gipuy-an niini sa Pepito Street, Barangay Poblacion, Valencia, Bukidnon niadtong Biyernes, Agosto 2, 2019.

Si Police Lieutenant Colonel Surki Sereñas, hepe sa Valencia City Police Station, nibutyag nga ang dalaga, kinsa gihangyo sa pamilya nga itago ang identipikasyon, usa ka saleslady sa usa ka appliance center.

Wala pa ginganlan apan usa ka person of interest nga gitouhang nanguyab niini ang nadakpan sa kapolisan.

Gitouhang milugos ug mipatay niini ang anaa sa kostudya sa kapolisan aron sutaon kun tugma ba ang nakuhang semenal fluid lakip finger prints niini.

Ang suspek mao ang gituohang lalaki nga nakita sa closed circuit television kon CCTV camera nga nisulod sa aparment ala 1 sa kadlawon.

Sa pagsulat ning balita, nagpadayon pa ang imbestigasyon sa kapolisan.