BUOT sa Sangguniang Kabataan (SK) sa City Federation president nga palig-unon ang relasiyon tali sa katawhan, kabatan-onan ug mga kabataan ngadto na sa kapulisan.

Kini ang gibutyag ni John Michael Seno sa Barangay 32 ug maoy napiling SK Federation president atol sa mass oath taking sa mga bag-ong napiling mga SK ug barangay opisyal sa dakbayan sa Cagayan de Oro Grand Caprice, Limketkai Mall atol sa kasaulogan sa Charter day sa siyudad niadtong Hunyo 15, 2018.

“The police and community relationship, dapat gyud ang SK chairman moduol ngadto sa mga police station diin ma breach ang gap between the community and the police,” pahayag ni Seno.

Gidugang pa usab niini nga nabali na hinuon ang panghitabo karon gumikan kay mahadlok ang mga kabataan kong makakita og pulis.

“Kay ngano ang gakahitabo man gyud kung naa ang police gakahadlok na hinuon ang mga bata bali na nuon nga dapat pag naa’y police mas kumportable sila, safety sila, lahi na ang na mindset, gusto nako na isip criminologist kabalo ko nga bug-at kaayo, sa criminal justice system nato bug-at kaayo ang community, kinahangaln gyud dapat ang community ma reach out nato, diin makuha nato ang security sa siyudad,” dugang niini.

Buot usab niini nga hatagan sa kahigayonan ang mga kabatan-onan nga mas malingaw ug dili mapaingon sa sayop nga dalan pinaagi na usab sa pagpahigayon sa mga sports festival.