NAKABSAN sa kinabuhi ang usa ka sundalo human sa engkwentro sa mga sundalo batok New People’s Army (NPA) sa Mount Balatukan Range sa Misamis Oriental niadtong Biyernes, Hulyo 26.

Si Corporal Fermin Lindahay, usa ka sundalong tribung Higaunon, kinsa duha ka tuig kining sakop sa NPA gikan 2004 ngadto 2006.

Nagsurender ug nahimomg membro sa Citizen Armed Forces Geographical Unit (Cafgu) gikan tuig 2006 ngadto 2011.

Tuig 2011, hingpit nga nahimong sundalo kinsa lakip sa midepensa sa mga Indigenous People (IP) communities nga giingong kanunay gahasion sa walhong grupo.

Matud ni 58th Infantry Battalion Lieutenant Colonel Roy Anthony Derilo nga sa wala pa ang engkwentro, nakadawat na sila daan og report gikan sa mga indigenous community nga anaa ang presensya sa mga teroristang NPA sa ilang ancestral domain (AD). Kini maoy rason nga ilang girepondihan.

Adunay inisyal nga engwentro natigayon niadtong Hulyo 25 kon asa usa ka walhong grupo ang samdan ang misurender dala ang iyang MI61A.

Sa iyang bahin sab ni Brigadier General Edgardo De Leon, commander sa 403rd Brigade, niingon nga ang mga walhong grupo gasige og recruit sa mga IP. Apan bout nilang mapanalipdan ilang mga ancestral domain hinungdan nakigkoordinar sila sa mga sundalo.

Ang namatay nga si Corporal Lindahay ang usa ka NPA kaniadto, apan giingong wala naantos niini ang idelohiya sa grupo lakip ang eksploytasyon sa komunidad hinungdan nisurender, nahimong usa ka cafgu ug nahimong hingpit nga mga sundalo.

“That IP soldier who died in the battle was from Mount Balatucan (Sitio Lantad, Barangay Kibanban, Balingasag). He was recruited and joined the NPA. But later surendered to become a soldier having realized the deception and exploitation of tribal communities by the CPP-NPA. He has been wanting to liberate his tribal community from the manipulation of the CPP-NPA cadres” matud ni De Leon.

Ang Mountt Balatucan gikonsidera sab nga sacred ground sa mga IP sugod pa sa tuig 1980s, apan giingong gihimong hideout sa walhong grupo ug burial site sa ilang mga kauban.