POSIBLENG masugdan na karon semana ang testing laboratory nga anaa sa Northern Mindanao Medical Center (NMMC).

Kini ang gibutyag ni Dr. Bernard Rocha, ang medical specialist sa NMMC.

Gibutyag niini nga kumpleto na ang physical appearance sa testing laboratory samtang ang staff niini ang nakumpleto na sa ilang training.

"We already completed our physical appearance of our testing lab and ang staff namo is completed their training and among requirement gi submit na for national for our licenses to operate," matud ni Rocha atol sa CdeO daily press-con.

Adunay gipaabot nga cartridges nga gitakdang moabot aron maka proficiency test.

"Kung maka proficiency test nami ug naka comply namo ug licensed to operate, then we can already start testing by this week," matud ni Rocha.

Matud ni Rocha nga padayon ang telekonsulta ug mga serbisyo sa general services.

Gihangyo sab niini ang pagsabot sa katawhan nga mas hugot ang seguridad ang gipatuman karon ug adunat wala ug too nga caution.