GITAWAG nga harassment sa upat ka magsoung Yanson ang naunsyami nga pagsilbi og arrest warrant sa mga membro sa Criminal Investigation and Detection Group (CIDG) sa Bacolod City niaging semana.

Ang Yanson Group of Bus Companies (YGBC) nanag-iya og dagko nga bus companies sa nasud kon asa ang iyang mga subsidiaries gilakipan sa Rural Transit Mindanao Inc. (RTMI) ug Bachelor Express Inc. ang nag-operate dinhi sa Cagayan de Oro City ug pipila ka bahin sa pulo sa Mindanao.

Sa pamahayag nga gipagawas sa magsoung Y4 nga gilangkoban nila ni Ricardo Yanson Jr., Roy Yanson, Emily Yanson, Ma. Lourdes Celina Lopez niingon nga ang wala mahinayon nga pag silbi sa arrest warrant sa kasong grave coercion case niadtong May 31, 2020 nga gipasaka batok kanila ang daw usa ka matang sa harrasment gumikan giingong gitunong sa adlawng Domingo aron masiguro nga dili makapiyansa labina nga sirado ang korte niadtong tungora ug dili mahimo ang immediate release order.

"At the hearing on the Y4's Motion to suspend the proceedings and hold in abeyance the issuance of warrant last Friday, May 29, not even the judge mentioned about the implementation of any warrant as it was put on hold last March and not implemented considering that said motion was timely filed by the lawyers of the Y4 and had yet to be resolved with finality," basi sa opisyal nga payahag sa magsoun.

Ang legal counsel sa Y4 nga mao si Atty. Carlo Joaquin Narvasa niingon nga kwestyonable alang kanila nganong adunay nigawas nga warrant niadtong May 31 nga unta ang official nga release niini sa June 1 pa basi sa kumpirmasyon sa korte gawas pa nga daw gi hold kini tungod kay nipasaka og motion to stop its implementation ang magsoung Y4 niadtong March 10, 2020.

Aduna nay mga legal remedies nga gihimo ang magsuon ug nipasabot nga pabilin silang mobarog nga inosente sa mga kasong gisang-at batok kanila.

Kahinumduman nga nagkalamat ang relasyon sa unom ka magsoun human nagkasohay.

Giingong tinguha lamang sa upat nga dili wad-an og katungod ug patas nga pagdumala sa mga kompanya maoy rason sila nakigbisog karong panahona sa korte human ilang gipamugos nga sila magsuon nagpirma sa Yanson Family Constitution.

Gipaabot sab sa magsoung Y4 nga ilang amahan nga mipanaw nga si Dr. Ricardo Yanson Sr. nagtugon nga kinahanglan patas ang shares ngadto sa mga anak ngadto sa tanan nga kompanya apan giingong nawad-an na sila og katungod karon panahona.