KAPIN napulo ka boxers sa Cagayan de Oro ang mosulay pag-abante sa national finals agi pagpakita sa ilang katakos sa Philippine Sports Commission (PSC)-Pacquiao Amateur Boxing Cup Mindanao Leg semifinal karong Domingo sa Macasandig covered courts.

Ang 10 ka boksidor moaway sa ilang kadaiyang fighting weight.

Mopakitang gilas si Peter Payla sa 46 kgs, samtang sila Mark Lester Durens ug John Earl Palovino moaway sa 48 ug 50 kgs, sunod-sunod.

Sila Kim Bryan Cabrillos, Dave Bryan Caspe, ug Ignacio Macas makigsangka sa 52 kgs.

Si John Paumayan mao ang pinatakataas nga timbang ug moaway sa 60 kgs.

Naa sab pambato ang Cagayan de Oro team nga sila Merry Ann Laug-Laug (46 kgs), Jessa Lyca Daguhoy (48 kgs) ug Elaide Pamisa 47 (kgs).

“We wish them luck para makasulod sila sa final,” ingon ni city sports chief Jaymar Rivera.