DEPENSAHAN sa host Laguindingan ang ilang balwarte pag-agbat nila sa visiting Jasaan sa 2018 Kuyamis sporstfest Governor Yevgeny Emano Cup basketball 25-under men’s karong adlawa sa Laguindingan municipal covered courts.

Mao ni ang ilang pirmirong dula sa bag-o na sab nga season sa Kuyamis sportsfest ug magsangka sila sa main event sa alas-sais karong gabie.

Ang mas magulang pa nila nga Laguindingan team mosulay pagbangon sa ilang 74-100 nga kapildehan batok sa Jasaan sa local government unit (LGU) division niadtong Mayo 19.

Maagbat sa Laguindingan LGU ang Manticao sa alas-kwatro sa hapon.

Pag-abri sa basketball event karon, magsangka una ang Lugait ug Alubijid sa alas-dos sa hapon alang sa 18-under boys.

Pagasugdan ang sportsfest agi sa volleyball games sa buntag.

Mag-agbat ang Opol ug Naawan alang sa women’s 18-under sa alas-nuebe sa buntag, samtang sundan dayon sa dula tali sa host Laguindingan ug Alubijid sa men’s 18-under sa alas 11 sa buntag.

Pagataposon sab ang volleyball event agi sa panagsangka sa Gitagum ug Naawan sa LGUw women’s diin ipahinayon sa ala-una sa hapon.