GIHAWOD nila Kylehing Jay Lanzaderas ug Jamaica Mae Escriber ang ilang kadaiyang kategoriya atol sa Alubijid Town Fiesta Open Table Tennis Tournament bagohay lang sa Alubijid covered courts, sakop sa probinsya sa Misamis Oriental.

Gidominar ni Lanzaderas, taga-Pagadian City, ang open individual tertiary division human gipilde niya si Andrei Jose Yucada, taga-Molugan, sa final.

Nilanding lang si Yucada sa ika-duhang pwesto, samtang sila Rex Tyton Fabella sa Alubijid ug Cassandra Nicole Baltar nahulog nga mga runner-ups.

Sa pikas bahin, nikampyon sab si Escriber, taga-Cagayan de Oro, sa open individual 12-years-old and under.

Kini, human iyang gipukan si Edwin Vicoy sa final.

Naa si Vicoy sa ika-duhang pwesto, samtang naa sa ikatulo si Jaxhtine Gayra Yucada sa ikatulo.

Si Dario Hernane mao ang tournament manager sa torneyo.