EXCITED kaayo ang tambalang Ken Chan ug Rita Daniela sa ilang bag-ong serye sa primetime slot sa GMA Network.

Human sa ilang malampuson nga tambalan sa “My Special Tatay” kon asa epektibo ang ilang pagdala isip mga bida.

Laing makakilig na usab nga serye ang angayan hulatan sa “One of the Baes” nga gikatakdang masaksihan sa katapusang bahin sa Septiyembre.

Atol sa ilang pagbisita sa siyudad sa Cagayan de Oro niaging mga semana, lakip ang SunStar Superbalita sa naimbitahan nga moabi-abi sa duha ka mga sikat nga loveteam karon.

Game kaayong mitubag sa mga pangutana ang duha kon asa daw dako kaayo ug hagit alang kanila ang ilang gidala nga role.

Gani gipaubos sila sa training, hilabina ang role ni Rita Daniela nga usa ka aspiring captain sa barko.

Ang storya maghatag og kinabuhi sa mga Filipino seafarers pinaagi sa storya ni Jowalyn (Rita) ug Grant (Ken).

Matud ni Ken nga magdala siya og papel isip sapian nga environment vlogger.

“Sobrang laki ng preparations po. Kasi unang-una, first time po na ipapalabas sa telibisyon ang maritime industry. So, doon palang first time nila makita ang totoong buhay ng mga seaman kung paano nila pinagdadaanan at buhay sa maritime school,” matud ni Rita.

“Sa character hindi po ako nahirapan na buo-in si Jowalyn kasi nakaka-relate po ako sa character niya. Masarap gampanan ang karakter ni Jowalyn kasi napakamakulay po ng karakter niya bilang isang babae at pangarap na maging kapitan ng barko,” dugang niini.

Sa iyang bahin sab ni Ken, aminado kining naglisod sa preparasyon.

“Sa akin naman, medyo nahirapan ako sa preparations after ng ‘My special Tatay’. Ang ginampanan ko doon ay isang tao na autism. Na bawi naman ako ngayon sa karakter ko na millenial, mayaman, vlogger na malaki talaga ang ginawa kong adjustment,” matud ni Ken.

“Bukod sa nagpakulay ako ng buhok ko, nakatulong ito sa akin na makawala kay Boyet yung role ko sa ‘My Special Tatay’ at mabou ko si Grant,” sulti niini.

Gipaniguro sa duha nga kiligon ang viewers sa ilang storya tungod kay aduna sab kini pagka-comedy nga serye.

Lipay sab sila sa mga banggiitang actor ug aktres nga ilang makauban sama nila si Amy Austria, Melani Marquez, Roderick Paulate, Tonton Guttiriez, ug Jestoni Aalarcon.

Lakipan sab nila si James Teng, Kenneth Medrano, Archie Alemania, Joyce Ching, Edgar Allan Guzman, Buboy Villar, Maureen Larrazabal, ug Rodjun Cruz.