DEAR Tita Heart,

Maayong adlaw tita. Nagsulat ko nimo tita kay magpatambag unta ko nga ang akong anak nag uyab-uyab na unya serysoso kaayo. Gahi ug ulo tita gusto na magminyo. Unsaon man nako ni tita pagsulti niya nga masabtan ko niya?

Grace

*****

Hello Grace,

Basta gani inahan kinahanglan strong ka ug dunay authority kung makigstorya sa imong anak kinahanglan sab nga matouhan ka deretso. Pila bay edad sa imnog anak kay kung naa na sab sa insakto nga edad imong anak ug makaya na nga magbou ug pamilya unsa man pod rason nga imong pugngan kung naghinigugmaay? Apan kung ang menor de edad pa, ayaw gayud undang sa pagtambag kaniya kay kung magkalisod siya sa imoha ra gihapon moduol. Kung mahimo storyaha ug maymayi nga dili sayon mosulod sa kaminyoun nga dili manukad daan. Lisod gayud kaayo.

Tita Heart