DEAR Tita Heart,

Tawga lang ko og Melody, 28 nako. Magpa-advice lang ko tita. Three years nami bulag sa akong first love pero hangtud karon wala pa ko naka-move-on sa iyaha. Single mom ko tita, nagkaanak ko sa ako ex-boyfriend. Wala mi nagdayon kay pareha mi dili namo love ang usag-usa, single pa gihapon ako first love pero naa siyay girlfriend. Everytime nga makit-an nako siya masakitan ko. Usa ra mi ug lugar ug bestfriend siya sa akong cousin. Gibuhat na nako tanan para makalimtan siya. Please, tambagi ko tita heart.

*****

Melody,

Ang buhaton nimo focus sa imong anak. Para makalimot ka, bisiha ang imong kaugalingon, pagtrabaho o dili ba kaha isuroy-suroy nimo imo anak ug idula-dula para naa kay kabisihan ug dili ka na lang sige ug bantay sa imong first love. Hangtod dili nimo ikondisyon imong huna-huna ug imong kasingkasing nga i-let go siya, dili gayud nimo malimtan.

Tita Heart