DEAR Tita Heart,

Maayong adlaw kanimo tita ug sa tanan suki sa Superbalita. Akong problema tita bahin sa akong uyab nga dili ko gatugtan moabroad. Kung mo-abroad daw ko dapat mo-abroad pod siya. Kumpleto na akong mga papeles tita pero siya gyod gababag.

Gahadlukon ko niya nga magbulag mi kon modayon gyod ko. Akong tita sa lain nasod gapaabot napod sa akoa. Love gyod kaayo nako siya tita apan akong himoun para sa akong future. Unsay akong buhaton?

Carlene

*****

Hello Carlene,

Tan-aw ko sa imong boyfriend naay pagka self-centered. Gusto niya nga magsige lang mo atubang sa usag-usag ug imong atensyon naa lang sa iyaha. Kinahanglan pod baya ka mag grow as a person ug maningkamot para sa inyong future. Kung wala siyay pagsabot sa imoha hunahuna-a og maayo kon angayan bang ipadayon inyong relasyon.

Alang kanako i-grab ang opportunity sa imong ayaan nga gahulat tungod kay kung tinoud pod nga love ka anang lakiha iyang ikonsidera imong gibati ug imong mga panglantaw para sa inyong duha. Iyang gilantaw iyang kaugalingon lang nga kalipay samtang ikaw inyong kalipay duha alang sa umaabot nga wala niya makita.

Tita Heart