DEAR Tita Heart,

Good morning Tita Heart. Maayong adlaw kanimo ug sa imong readers. Patambag unta ko tita kay gibulagan lang ko kalit sa akong uyab. Ingon niya kapoyan na siya sa amo relasyon kay wala na daw siya kasabot tita. Unsa akong angayan buhaton tita nga love man kaayo nako siya. Dili sab ko kasabot unsay kapoy sa among relasyon.

Junel

*****

Hello Junel,

Maayong adlaw sab kanimo ug salamat sa pagsige subaybay kanako. Pangayo og igong rason unsay kapoy sa inyong relasyon? Basin man gud iyang nakita nga wala siyay malantaw nga future sa inyong duha mao kapoyan siya. Sa relasyon dili man lang gud love lang ang atong sige ipakita, atong ubanan ni og lihok aron molambo ang relasyon. Basin man gud sige lang ka ingon love nimo siya pero bisan pang date walay imoha, bisan pagsuroy kaniya dili nimo mahimo. Huna hunaa daw kaayo asa sa imong paghuna ang kapoy sa inyong relasyon.

Tita Heart