DEAR Tita Heart,

Maayong adlaw kanimo tita ug sa mga suking gabasahan sa SuperBalita. Tita ako diay si Giovan, taga Camaman-an, Cagayan de Oro. Tita, akong problema bahin sa brother sa akong uyab nga gasige og hulga sa akoa.

Sa high school pako tita nagkaaway mi ug nasumbagan nako siya ug wala siya kabalos nako ato pero wala ko magdahom tita nga karon nag-college ko ug nakauyab, igsuon diay niya akong uyab.

Tita, unsa man akong buhaton nga kung dili daw nako bulagan iyang igsuon nay mahitabo nako. Tita wala pa nakabalo akong uyab bahin sa hulga sa iyang brother nako. Salamat tita sa tambag.

Magpaabot ko sa imong tubag.

Giovan

*****

Hello Giovan,

Siguro una nimong buhaton sultian imong uyab bahin sa sa bangi ninyo sa iyang brother aron aware siya nga naa diay moy away away kaniadto. At least masulti na niya sa iyang pamilya ug mamaymayan to ang iyang igsuon nga dili mohimo sa ingon.

Ikaduha, for security reason pod, ipa-blotter sa kapolisan ang iyang mga hulga kanimo labina dili man mayo iyang mga hulga kanimo, kay kung i-refer mo sa Barangay Lupon, mahimo man ninyo maestoryahan ug basin ma settle ra inyong problema.

Nanghinaot ko nga dili na molala labina sa umaabot mahimo nakang parte sa ilang pamilya kung kamo gyod ang magkadayon sa umaabot.

Tita Heart