DEAR Tita Heart,

Maayong adlawng kanimo tita. Ako diay si Ramon. Akong problema tita kay gibati ko og dakong gugma sa usa ka babae pero wala nako gidahom tita nga minyo-unon naman diay siya sa lain.

Unsa man akong buhaton? Paabot ko sa imong tambag.

Ramon

***

Hello Ramon,

Maayong adlaw pod nimo. Wala gayud koy lain matambag kondili imong hinay-hinayon og dawat nga dili gayud ma-imo ang maong babae kay minyo-unon naman diay. Nagpasabot niana nga iyang kasingkasing giandam na niya sa lalaki nga iyang pakaslan sa labing daling panahon.

Lisod pod ipugos nimo ang imong kaugalingon sa babae nga dili ikaw ang gipitik kay sa katapusan ikaw man gayud gihapon ang masakitan.

Tita Heart