DEAR Tita Heart,

Just call me Agnes. Akong problema tita bahin sa akong uyab nga labihan gayud makaselos nga maorag siya na gayud nakapanag-iya nako. Miabot sa punto nga halos dili nako niya tugutan sa akong mga kalihokan sa school tungod kay basin daw naa koy maila nga lain. Naulit kaayo ko tita, unsa akong buhaton niya? Maayo kaha kung bulagan nako?

Agnes

************

Hello Agnes,

Mas maayo siguro nga imo nalang gayud bulagan. Hiktan ka ana pirme kung ingon ana iyang kinaiya ug wala kay kagawasan. Normal man ang magselos apan dili pod ipaabot sa punto nga bisan imong mga kagustuhan iya ng babagan.

Nag school paka ug daghan paka gusto makab-ot apan kung siya maoy mobabag niini dili ka magmalampuson. Mas maayo siguro imong bulagan ug ayaw sa sulod sa pakigrelasyon. Pokos una sa imong pagtoun.

Tita Heart