DEAR Tita Heart,

Maayo’ng adlaw kanimo tita ug sa tanan nga mga suki sa SuperBalita. Akong problema tita kay akong uyab karon nagbakak nako nga duna diay siya usa ka anak. Kung sayo lang niya gisulti sa akoa ako pang madawat pero iya man gud gipaila nga manghod daw niya unya close na raba mi sa bata.

Nasakitan ko sa iyang pagbakak tita ug feeling nako dili ko maulian aning akong kaulit nga gibati pod sa akong uyab.

Ricsan,

*****

Hello Ricsan,

Kung naulit ka sa iyaha siguro pag-break sa mo. Hangtod nga ma realize nimo kung unsa gyod ang paingnan sa inyong relasyon. Timbang-timbanga lang kay basin pod naa siya lawom nga rison nganong kailangan pod niyang itago iyang anak.

Basin mahadlok lang pod siya nga maturn-off ka sa iyaha. Kay sa atong panahon karon, sa walay paglimod limod daghan kaayo mga judgmental basin iyang gikabalaka nga I judge nimo siya deretso. Karon nga nakabalo naka, ikaw ra gyod ang makatubag kon mopadayon pa baka o dili.

Tita Heart