LEONEL QUILLO
San Fernando, Cebu

Ang kamatuoran nga ikaw ug ako

nagkatibulaag na

mao ang panganod

nga naghatag kanako

og landong

niining kalibutan.

Sulod sa akong hamugaway nga lawak

sulod niining panumdoman, gihulat ko

nga mohugpa ang kilumkilom,

ug kon mahabolan na gani ako

sa tumang

kangitngit,

hayan nga wala na

akoy mabati

pa nga kasakit.

Magkailhanay na

usab kita

sama sa atong unang panagkita.