Nasumitir na ngadto sa relatore nga si Msgr. Paul Pallath ang positio o mga dokumento alang sa beatification process ni anhing Arsobispo Teofilo Camomot.

Si Padre Mhar Vincent Balili, vice postulator alang sa pagka santos si Camomot, nibutyag nga niadtong Disyembre 28, 2018, nahatag na ang mga gikinahanglan aron madeklarar nga “venerable” si Camomot.

“Atong gi-submit for corrections and approval,” matod ni Balili sa Superbalita Cebu.

Kagahapon, Marso 3, gihandom ang 105th birthday ni Camomot pinaagi sa misa nga gihimo ni Cebu Archbishop Jose Palma sa DST Motherhouse Chapel sa Valladolid, dakbayan sa Carcar, alas 3 sa hapon. (SCG)