Moabot sa 13 ka mga panimay ang gipaubos sa granular lockdown sa dakbayan sa Talisay tungod sa nagkasaka nga mga kaso sa coronavirus disease (Covid-19) sa nahisgutang siyudad.

Sa datus sa Talisay City Public Information Office sa Enero 13, nakatala ang Siyudad og 110 ka mga aktibong kaso.

Ang kaso nagsugod lamang sa lima sa pagsulod sa Enero 2, apan sulod lang sa duha ka nakalabay nga mga semana kalit kining nisulbong.

Wa hinuon nganli kon asa nga barangay nahimutang ang 13 ka mga panimalay.

Samtang subsub karon ang pagpahigayon sa contact tracing sa close contact nga mga tawo pinaagi sa contact tracing team nga gilangkuban sa kapulisan, barangay health workers ug gi-hire sa Department of the Interior and Local Government (DILG).

Ang contact tracing team mao ang mo lockdown sa usa ka panimay nga dunay mga nagnagpositibo sa virus.