MOKABAT sa 1.3 kilos nga shabu nga mobalor og P8.7 milyunes nasakmit sa Provincial Intelligence Branch (PIB) sa ilang buy-bust operation batok sa duha ka gikatahapang mga drug pusher Sabado sa alas 2 sa kaadlawon, Pebrero 22, 2019 sa Barangay Inyawan, Dakbayan sa Sugbo.

Si PIB chief Police Lt. Colonel Marlu Conag niila sa mga nadakpan nga sila si James Peter Pastoriza, 46, taga Sityo, Barangay Inayawan ug Ricky Pelida, 34, taga Bontores st., Barangay Basak San Nicolas, Dakbayan sa Sugbo. (BBT)