ANG Cebu City Transportation Office (CCTO) nakadakop og 139,299 ka mga driver sa mga sakyanan nga nakahimo og nagkalainlaing mga kalapasan sa 2021.

Base sa ilang datus, liboan usab ka mga sakyanan, sagad motorsiklo, ang ilang na impound.

Ang traffic office naka impound og 4,959 ka mga motorsiklo, 176 ka pribadong four-wheeled nga mga sakyanan, 63 ka trucks, 20 ka PUJs, duha ka mga taxi, 74 ka traysikad ug 572 ka e-bikes.

Sagad sa mga kalapasan sa mga driver mao ang way rehistro o expired ang rehistro sa sakyanan, nagmaneho nga way lisensya ug pagbaliwala sa traffic signs.

Daghan sa drivers ang manglapas pinaagi sa wa pagtuman sa traffic signs, diin niadto lang Disyembre 14, nakaisyu ang CCTO og 41 ka citation tickets sud lang sa usa ka oras sa may likuanan sa Bradford Church sa Osmeña Blvd. bisan kon dunay no left turn sign. (REV)