ISABEL, Leyte - Gikaon sa kayo ang 16 ka mga balay sa Barangay San Roque, Isabel, probinsya sa Leyte, pasado alas 8 sa buntag, Sabado, Agusto 15, 2020.

Base sa report sa kapulisan, alas 8:45 sa buntag nakadawat sila og report gikan sa usa ka concerned citizen.

Nakig-alayon ang kapulisan sa Bureau of Fire Protection (BFP) ug niadto sa lugar aron ma-secure ang palibot.

Base sa imbestigasyon sa kabomberohan, ang kayo nagsugod sa panimalay sa usa ka Victor Lawas, 47.

Dugang sa imbestigasyon, ang apo nga dunay espesyal nga panginahanglan nagduwa og pusporo uban sa ig-agaw.

Nadagkotan sa bata ang mga sinina hinungdan sa pagsilaob sa kayo ug nikaon sa 16 ka balay nga ginama sa light materials.

Walay natala nga samdan ug nakalas sa hitabo samtang nagbilin og P500,000 nga danyos sa naasoy nga sunog. (JKDP)