Mokabat sa 17 sa 1,658 ka persons deprived of liberty (PDL) gikan sa Male ug Female dormitory sa Bureau of Jail Management and Penology (BJMP) sa Mandaue City positibo sa human immunodeficiency virus (HIV).

Si manlalaban Jonathan Baltar, jail superintendent sa BJMP Mandaue, niingon sa follow-up interview sa Lunes, Marso 27, 2023, nga sa test nga gihimo karong Marso, sa 17, 15 ang mga lalaki ug duha ang mga babaye.

Trese sa mga HIV-positive PDLs nga anaa sa karaang jail facility sa BJMP Mandaue sa Barangay Looc, ug upat ang naa sa bag-ong jail facility sa Barangay Basak.

Matod ni Baltar nga ang 17 ka mga PDL nagpanuigon og 27 ngadto sa 51 anyos.

Ang mga dormitoryo sa lalaki ug babaye negatibo sa HIV kaniadtong 2022.

Ang HIV usa ka virus nga moatake sa immune system sa lawas sa tawo ug kasagaran motakod pinaagi sa kontak sa mga likido sa lawas sa usa ka tawo nga adunay HIV, kasagaran panahon sa unprotected sex. Kon dili matambalan, mahimo kining Acquired Immunodeficiency Syndrome (Aids), usa ka sakit nga naghulga sa kinabuhi.

Apan matod ni Baltar nga aduna silay mga programa alang sa HIV awareness sa Mandaue. Pipila niini nga mga programa naglakip sa ilang kanunay nga information, education, and communication (IEC) drives ug awareness training nga gipahigayon sa lokal nga kagamhanan.

Niadtong Septiyembre 2022, pipila sa mga health officer sa BJMP Mandaue ug jail superintendents niapil sa pagbansaybansay sa United Nations Office of Drugs and Crime.

Matod ni Baltar nga wala silay diskriminasyon sa mga PDL nga adunay HIV ug wa ila hikawi nga mabisitahan sa ilang mga minahal sa kinabuhi.

Siya niingon nga ang prisohan nagpahibalo sa pagpadayon sa pagbisita sa piniriso sa Nobiyembre 2022. Ang mga bisita kinahanglan nga magpakita sa usa ka vaccination card, ug ang ilang card kinahanglan magpakita nga sila hingpit nga nabakunahan.

Parehong conjugal (kapikas) ug kontak nga mga pagbisita kasagaran modagan hangtod sa 30 minutos.

Si Baltar nagkanayon nga ang mga bisita pahibaw-on sa ilang schedule sa pagbisita pinaagi sa text message aron malikayan ang paghuot sa prisohan.

Sa laing bahin, niadtong Marso 23, 93 ka personnel sa BJMP ang nipaubos sa surprise drug test nga gihimo sa BJMP Regional office, ug si Baltar nagkanayon nga negatibo ang tanan. (HIC)