Duha ka mga tawo ang nangaangol human nalimbuwad ang usa ka sports utility vehicle (SUV) dihang nibangga sa usa ka poste sa Cebu South Coastal Road habig sa Brgy. San Roque, Dakbayan sa Talisay sa Dominggo sa buntag, Septiyembre 25, 2022.

Human natumba ang poste, nasangit sa wire sa kuryente ang usa ka driver sa motorsiklo hinungdan sa pagkaangol.

Matod sa City of Talisay Traffic Operations and Development Authority (CT-TODA) nga naangol usab ang driver sa SUV nga gikan niapil og fun run.

Ang SUV padulong sa habagatan sa Sugbo atol sa hitabo.

Ang mga biktima giilang sila si Matthew Angelo Rivera, 26, taga Tabada St., Brgy. Mambaling, Dakbayan sa Sugbo, driver sa SUV ug si Humbert Fanoga, Jr., 21, taga Esperas Ave., Brgy. 54-A, Tacloban City, drayber sa motorsiklo.

Ning pagsuwat, wa pa maka update ang CT-TODA sa kahimtang sa duha ka mga driver.

Naakaangkon usab og kadaut ang laing sakyanan human “natapsingan” sa SUV atol sa aksidente. (REV)