DUHA ka fire volunteers nga naduol o dunay kontak sa pasyente nga dunay coronavirus disease (Covid-19) ang dakpunon human nagdumili sa pagpaubos sa swab test.

Si Cebu City Councilor Joel Garganera, Cebu City Emergency Operations Center (EOC) deputy chief implementer, nagkanayon nga ang duha unang ningresponde sa pasyente sa Barangay Cogon Pardo kinsa namatay sa dili Covid-19 nga sakit, apan nasuta nga positibo kini human sa paggawas sa resulta sa test.

Ang duha nakaabag sa pasyente sa pagdala sa ospital.

Ang pasyente namatay niadtong Agusto 29, 2020.

Ang duha giduol na sa contact tracing teams kaduha apan pereho nga wala mouyon nga mopaubos sa Covid-19 test, matod ni Garganera.

“That is an affront to EOC, (to) the barangay authorities,” dugang ni Garganera.

Hinuon, ang duha gikatakda nga kuhaan og swab samples karong, Septiyembre 7.

Dason ni Garganera, kon ang duha magmagahi kang gihapon sa swab, ang awtorida mahimo nang modakop kanila. (JJL)