PALAPAG, Northern Samar - Duha ka magtutudlo ang nalumos patay sa kadagatan sakop sa Barangay Cabatuan, Palapag, Northern Samar.

Samtang padayon karon gipangita ang laing duha usab ka magtutudlo nga missing.

Usa ka Loreto Pajanustan, kagawad sa maong barangay ang mi-report sa kapulisan bahin sa insidente, Sabado sa alas 6 sa buntag, Mayo 4.

Ang duha nga nakalas mao si Artemio Mejos, 27 ug James Dulay 32, pulos magtutudlo ug nagpuyo sa maong lugar.

Base sa inisyal nga imbestigasyon, nakit-an ang duha ka patayng lawas sa duha alas 11 sa gabii, Biyernes, Mayo 3, 2019.

Giingong nangaligo ang mga biktima ug nangalumos tungod sa kusog nga water current.

Padayon pa ang pagpangita sa duha ka missing. (JKDP)