Nikabat og 20 ka mga indibidwal ang ningradwar kagahapon, Nobiyembre 13, xa usa ka resort sa dakbayan sa Toledo sa Task Force Kauban.

Matod ni Police Colonel Aladdin Collado, direktor sa Cebu Provincial Police Office (CPPO), nipasabot nga ang Task Force Kauban giumol sa kapulisan nga mamahimong kaabag sa kampanya batok sa Covid-19.

Ingon man ang pag patuman sa mga guidelines nga gipatuman sa Inter Agency Task Force.

“It is a force multiplier to augment to our PNP same like as Task Force Kasaligan,” matod ni Collado.

Dugang ni Collado nga ang maong kahugpongan nga giumol kaabag ang lokal nga kagamhanan nga maoy niabaga sa uniporme ug mga galamiton sa matag usa nga sakop sa Task Force Kauban lakip na ang binuwan nga alawans nga ilang madawat.

“These are criminology graduates. Yung first batch nang ating Task Force Kauban,” matod ni Collado.

Tulo ka adlaw nga gibansay ang miapil niini hangtud nga sila nahimong kwalipikado sa maong organisasyon nga maoy katimbang sa mga pulis.

Samtang si Toledo City Mayor Marjorie Perales sa interview sa Superbalita Cebu niingon nga dako ang iyang kalipay niining mga lakang nga gipatuman sa PNP. / BBT