GIPA-REPORT na sa Camp Crame sa Biyernes, Enero 24, sila si Police Colonel Dennis Artil, hepe sa Comptroller Division; Police Lieutenant Colonel Dennis Bad-ang, hepe sa Finance Service; ug Police Lieutenant Colonel Glenn Mayam, hepe sa Police Drug Enforcement Group 7.

Matod ni Police Brigadier General Domingo Cabillan, deputy regional director for administration sa Police Regional Office 7 nga aduna nay mohulip sa nabakanteng pwesto sa tulo nga gikan sa Camp Crame.

Wa lang una nganli ni Cabillan kinsa sila, apan nakasiguro siya nga padulong na kini sa Central Visayas ug kasamtangan lang una nga ang modumala sa ilang biyaan nga pwesto ang ilang mga deputy chief.

Human sa kontrobersiya, nimando karon ang direktor sa kapulisan sa Central Visayas, Police Brigadier General Valeriano de Leon, sa tanan niyang personnel nga sundon ang lagda nga gipatuman sa Philippine National Police (PNP).

Adunay mga intelligence officer nga gitahasan si de Leon nga maniid sa mga pulis nga mosulod sa mga balay kahilayan, pasugalan ug golf courses.

“Police Regional Office 7 will strengthen its campaign to cleanse its rank and strictly punish those who will be found violating the do’s and don’ts of the chief PNP. Police Brigadier General Val de Leon warns all the police officers in Central Visayas to abide by the rules and regulations of the PNP or else face the consequence,” matod ni Cabillan.

Kon masuta nga milapas sila sa balaod, taktakon dayon sila sa serbisyo.

Si Police Lieutenant Colonel Clark Arriola sa Cebu City Police Office nipahibawo usab nga ang hepe sa kapulisan sa siyudad sa Sugbo Police Colonel Engelbert Soriano hugot usab sa iyang pahimangno sa iyang mga sakop.

“Mo-abide lang ta kay maoy importante kay dinhi sa PNP we are public servants. Dapat lang, dili lang sa lihok manakop mi, dapat sa among personal life we should set the example kay unsaon nato pag panakop, unsaon pagbadlong kon kita mismo gabuhat sa illegal activities ,” matod ni Police Lt. Colonel Clark Arriola. (AYB)