Tulo ka mga tawo ang nasikop sa ilegal nga sugal sa baraha nga tong-its sa Sitio Kalapati, Barangay San Roque, dakbayan sa Talisay niadtong Huwebes, Disyembre 8, 2022.

Giila sa kapulisan ang tulo nga mao sila si Rolly Salon Adormiyo, 53, usa ka e-tricycle driver; Arnold Echavez Manuel, 51, usa ka construction worker; ug 42-anyos nga si Marelin Tecene Olbinario.

Nagpustaanay sila sa tong-its dihang niabot ang mga pulis nga nagpatrolya. Gisakmit ang ilang baraha ug pusta. (BBT)